В сабота почнува плејофот во ракометната Супер лига, „гладијаторите“ гостуваат кај Еурофарм Пелистер 2

Охрид, 9. февруари 2023 (ИНПРЕС) – Охридските ракометари в сабота ги започнуваат натпреварите од плејофот во Супер лигата.

– Не чека тежок натпревар. Екипата е составена од млади, потпомогнати од поискусни ракометари. Во преодниот рок Еурофарм Пелистер 2 направи промени во составот и не знаеме со што располагаат во моментов. Ме радува нашата форма од подготвителниот дел и физичката подготвеност на екипата. Очекувам максимална борба од моите соиграчи и се надевам на позитивен исход од натпреварот, вели Стефан Дрогришки, кој во зимскиот преоден рок дојде во Охрид.

Натпреварот ќе се одигра во салата „Боро Чурлески“ во Битола, од 18:00 часот. (Крај)

извор: ИнПрес фото: архива