Во Хрватска уапсена уште една жена за подметнување пожари

Загреб, 24. јули 2014 (ИНПРЕС) – Полицијата на хрватскиот остров Корчула денеска уапсила 24-годишна жена под сомнение за намерно подметнување неколку пожари на островот.

Полицијата тврди дека жената на 21 и 22 јули во неколку наврати потпалувала нискостеблеста шума и трева, предизвикала пожар и во складиштето на еден од рестораните на островот, предизвикала и пожар во куќата во која била сместена. Против жената е покренато обвинение за закана по животот и имотот на граѓаните и е задржана во притвор. (Крај)

извор: Р.С.Европа фото: архива