Сараево, 3.ноември 2015 (ИНПРЕС) – Претседателот на Република Српска и Сојузот на независни социјалдемократи Милорад Додиќ денеска поднесе тужба против себе до надлежното обвинителство на РС и БиХ, објавија локалните медиуми.
Во пријавата се наведува дека Милорад Додиќ, граѓанин, се тужи себе си на основа на изнесените обвиненија против него за наводни сторени кривични дела, за кои го обвинувале претставниците на опозицијата во Република Српска.
Додиќ во пријавата навел се што било кажано во јавноста од било кого врзано за наводен криминал.
Сведоци на тужбата се Драган Чавиќ, Младен Босиќ, Вукота Говедарица и сите други кои изнесувале обвинувања против него.
-Сакам сето тоа институционално да се испита“, вели Додиќ и додава дека со тоа сака да заврши „хајката“ против него.
Иако сето ова е невообичаено, одлучив да се тужам самиот себе, затоа што тие не поднесоа тужби, иако изнесуваа обвинувања, вели тој.(Крај)
извор:Локално фото.архива
