“Политика” – Скандалот со корупцијата во ЕУЛЕКС на Косово нема крај

Приштина, 3. ноември 2014 (ИНПРЕС) – Скандалот со корупцијата во ЕУЛЕКС се шири во Косово како епидемија, пишува денеска српскиот весник “Политика”.

Флорин Хасани, брат на Бесник Хасани осуден на 33 години затвор за убиство во Качаник, изјави дека му дал 270 000 евра на главниот судија Франческо Флори, за ослободување на својот брат, но тој не бил ослободен. Парите биле дадени на Нусрет Цена кој ги дал на судијата. Но наместо да биде ослободен од обвинение, Бесник Хасани, ослободен бил Нусрет Цена.

За корупција во случајот со Цена, зборувала и поранешниот обвинител Марија Бами. Портпаролот на ЕК Маја Коциенчич изјавила дека Комисијата доста сериозно ги прифаќала обвиненијата за корупција. (Крај)

извор: Focus фото: архива