Охрид, 23. декември 2024 (ИНПРЕС) – Ученичката заедница при РЦСОО „Ванчо Питошески“ од Охрид, организира предновогодишен музички настан за сите ученици, нивните семејства, како и за наставниците.
– Празниците пристигнуваат, а со нив и можноста да направиме нешто прекрасно. Целта на овој настан е да ја разбудиме хуманоста во овој празничен период и заеднички да им помогнеме на оние на кои тоа им е најпотребно, велат од училиштето.
Во училишниот двор ќе биде поставен штанд со храна и пијалаци каде присутните ќе може да донираат, а собраните средства ќе бидат наменети за хуманитарни цели.
Настанот ќе се одржи утре со почеток во 12:00 часот. (Крај)
извор: ИнПрес фото: архива
