Сараево, 25.септември 2015 (ИНПРЕС) – Вчера попладне, на планината Озрен во Босна и Херцеговина, се урна помал авион, а според Центарот за јавна безбедност во Добој, можно е еден од тројцата патници да е мртов, а еден тешко повреден.
Како што јавуваат босанските медиуми, несреќата се случила во 13.25 часот, на највисоката кота на Озрен.
Сепак, и по неколку часа спасувачките екипи не можат да стигнат на местото на несреќата заради непристапниот терен и поради слаба видливост што ја предизвикува маглата.
– Спасувачките екипи тргнаа не терен, но повеќе инфромации ќе иаме кога ќе стигнат на местото на несреќата, велат дежурните од Центарот за јавна безбедност во Добој.
Како што пренесоа медиумите, авионот најверојатно е српски и дека во него имало тројца патници, но нема информации под кои околности дошло до падот. (Крај)
извор:Макфакс фото:архива
