Охрид, 30. август 2023 (ИНПРЕС) – Комплетиран првиот уписен рок на охридскиот Факултет за туризам и угостителство (ФТУ).
Прелиминарната ранг листа со 79 пријавени кандидати е објавена, а уписот ќе се реализира утре и задутре, 31-ви август и 1-ви септември, во периодот од 08:00 до 16:00 часот. Пријавени се и пет кандидати за дошколување.
Според прелиминарната листа најмногу средношколци се пријавиле на насоката царина и шпедиција (20 во државна квота, 1 вонреден и 1 со специјални услови, 20 има на насоката менаџмент во услужен сектор, следи гастрономија со 12, осигурување и менаџмент со ризик 10, туризам со 9 и хотелско – ресторантски менаџмент со 6 пријавени кандидати.
Согласно конкурсот слободни места има на сите насоки, што ќе се пополнуваат во вториот уписен рок е на 6-ти и 7-ми септември или на третиот, на 22-ри септември.
УКЛО, во чии рамки е и охридскиот ФТУ и во новата академска година го стимулира уписот на најдобрите. На секоја единица на Универзитетот, од сите студиски програми заедно, на три најдобро рангирани кандидати, ќе им бидат рефундирани средствата од плаќање партиципација за првиот семестар од првата година на студии. (Крај)
извор: ИнПрес фото: ИнПрес
