Утре ќе се врши ларвицидна дезинсекција во Општина Дебрца

Дебрца, 14. мај 2024 (ИНПРЕС) – Согласно Законот за заштита на населението од заразни болести, а врз основа на одлуката на Советот на Општина Дебрца за спроведување на превентивна систематска дезинсекција на територијата на општината, утре, 15-ти мај, ќе се врши ларвицидна дезинсекција со цел уништување на возрасни комарци и ларви од комарци.

Запрашувањето ќе биде теристичко (од земја) и ќе се врши во период од 20:00 до 06:00 часот со апарат за УЛВ ладно запрашување.

Со дезинсекцијата ќе бидат опфатени зелените површини во општината, подрачјето на река Сатеска, локалитетите со застојни водени површини, урбани населби и локалитети предвидени во планот и програмата.

Потребно е пчеларите и пчеларските задруги да ги преземат соодветните мерки за заштита на на пчелите.

Во случај на појава на неповолни временски услови (ветар, дожд) дезинсекцијата се одложува за следниот поволен ден. (Крај)

извор: ИнПрес фото: архива