Охрид, 4. октомври 2023 (ИНПРЕС) – Следната сабота, 14-ти октомврим на кино репертоарот во Центарот за култура „Григор Прличев“ премиерно ќе се прикажува филмот „М“ на Вардан Тозија.
Филмот е копродукција меѓу Македонија, Хрватска, Косово и Франција и станува збор за дистописка бајка во која главен лик е 8-годишниот Марк, кој во суровиот свет обземен од таен вирус е во потрага по својата мајка.
Улогите ги толкуваат: Матеј Сиваков, Сашко Коцев, Александар Ничовски, Тони Михајловски, Камка Тоциновска и Бојана Грегориќ-Вејзовиќ.
Почетокот на проекцијата е во 20:00 часот, а цената на влезниот билет е 150 денари. (Крај)
извор: ИнПрес фото: архива
