Охрид, 21. мај 2025 (ИНПРЕС) – И покрај нашите заложби за чист и уреден Охрид, продолжува деградирачкиот однос на поединци, велат од ЈП „Охридски комуналец“.

Потенцираат дека и покрај објавениот календар на акции за собирање кабаст и зелен отпад за оваа година сепак секојдневно се соочуваат со мини-депонии на секој чекор, во секој дел од градот и урбана заедница.

Додаваат дека деновиве во вонредна акција, од нови мапирани диви депонии во населбата Даљан и на улиците „Асном“ и „Галичица“ подигнати се 32 м³ кабаст и зелен отпад. (Крај)

извор: ИнПрес фото: ЈП „Охридски комуналец“