Охрид, 16. април 2025 (ИНПРЕС) – Со пригорна програма Општина Охрид и ОУ „Христо Узунов“ ќе го одбележат јубилејот – 120 години од херојската погибија на Христо Узунов.

Настаните започнуваат во вторник, 22-ри април со полагање цвеќе пред спомен бистата на Узунов во училиштниот двор.

Свечената академија по повод јубилејот е во среда, 23-ти април, во спомен – куќата на Христо Узунов од 12:00 часот. Ќе биде промовиран драмскиот текст „Света саможртва за Македонија“ од Зоран Пејкоски. Во рамки на културно – уметничката прогама ќе настапи градскиот хор „Вокс Лихнидос“, драмска изведба на сцени од „Света саможртва за Македонија“ и настап на солистот Ѓоко Чеменкоски.
Вечерта од 19:00 часот во Центарот за култура „Григор Прличев“ ќе се одржи свечената програма по повод патронатот на ОУ „Христо Узунов“.

Во четврток, 24-ти април, пред спомен бистата на Узунов во градскиот парк ќе биде положено цвеќе, а од 11:00 часот во селото Цер, Кичево, ќе се одржи панихида и полагање цвеќе на неговиот гроб. (Крај)

извор: ИнПрес фото: архива