Скопје/Охрид, 21. јули 2025 (ИНПРЕС) – Под влијание на топла воздушна маса од југ во текот на неделава времето ќе биде сончево и многу топло со мала до умерена локална облачност, најавија од Управата за хидрометеоролошки работи (УХМР).

Поради тоа, од министерството за здравство потсетуваат за почитување на општите препораки за заштита на населението од високи температури.

Се препорачува престој во затворени, разладени простории, особено во периодот од 11:00 до 17:00 часот, внесување доволно течности, избегнувајќи алкохол и засладени пијалоци, да се носи лесна, светла облека и заштита за глава и очи и да се избегнува физичка активност во најтоплите часови од денот.

Особено внимание треба да посветат децата, старите лица, лицата со хронични заболувања и бремени жени.

Посочуваат дека во случај на симптоми како вртоглавица, главоболка, гадење или забрзан пулс веднаш да се побара медицинска помош. Додаваат дека внимателно ја следат состојбата на дневна основа и ќе се постапува согласно проценките и потребите. (Крај)

извор: ИнПрес фото: архива