Серија на стручни предавања на учениците од СОСУ „Св.Кирил и Методиј“ на Факултетот за туризам и угостителство

Охрид, 13. февруари 2023 (ИНПРЕС) – На охридскиот Факултет за туризам и угостителство (ФТУ) се одржаа серија на стручни предавања на учениците од СОСУ „Св.Кирил и Методиј“.

Предавањата се резултат на долгогодишната соработка помеѓу овие две институции, иницирана од страна на проф. д-р Александар Трајков и проф. Горан Попоски.

– Предавањата беа одржани од страна на доц. д-р Бојан Србиноски и проф. д-р Александар Трајков, а паралелно, деканот на ФТУ – Охрид проф. д-р Снежана Дичевска оствари средба со претставници на училиштето на која беа договорани и други форми на соработка, информираат од ФТУ. (Крај)

извор: ИнПрес фото: архива