Од утре започнува исплатата на мартовските пензии

Скопје/Охрид, 22. март 2023 (ИНПРЕС) – Од вторник, 28-ми март ќе започне исплатата на пензиите за месец март.

Владата го задолжи Фондот на пензиското и инвалидското осигурување на Македонија да ги достави податоците за пензиите до деловните банки најдоцна до 27-ми овој месец.

Подигнувањето на пензиите преку филијалите и експозитурите на банките за пензионерите кои не користат картички, ќе се реализира во четири групи, според висината на пензиите и тоа:

• за пензии со висина до 11.000 денари, исплатата да се изврши на 28.03.2023 година (вторник);
• за пензии со висина 11.001 – 14.000 денари, исплатата да се изврши на 29.03.2023 година (среда);
• за пензии со висина 14.001 – 18.000 денари, исплатата да се изврши на 30.03.2023 година (четврток) и
• за пензии со висина над 18.001 денари, исплатата да се изврши на 31.03.2023 година (петок).

Пензионерите кои користат платежна картичка, поврзана со сметката на која се префрлува пензијата, независно од висината, со парите ќе може да располагаат веќе од вторник.

Согласно одлуката на Владата на Република Македонија за новата методологија за усогласување на пензиите, со мартовската исплата пензиите ќе се зголемат за 8,4%. (Крај)

извор: ИнПрес фото: архива