Охрид, 15. април 2025 (ИНПРЕС) – Општина Охрид во соработка со ЈП „Градски пазар“ овој четврток го организира традиционалниот „Велигденски базар“.
Ќе се одржи на плоштадот „Крушевска Република“ со почеток во 11:30 часот.
– Учество ќе земат охридските занаетчии, производителите на домашна традиционална храна и трговците кои продаваат велигденски украси. На базарот ќе бидат изложени и креативните велигденски изработки на најмладите од детската градинка „Јасна Ристеска“, на учениците од општинските основни и средни училишта, на младите од Младинскиот центар и волонтерите на ОО на Црвен Крст, Охрид, велат од Општина Охрид.
Во духот на најголемиот Христијански празник Воскресение Христово –Велигден собраните финансиски средства ќе бидат донирани во хуманитарни цели. (Крај)
извор: ИнПрес фото: архива
