Охрид, 14. јули 2025 (ИНПРЕС) – Утре во манастирскиот храм „Пресвета Богородица Заумска“, Заум кај Трпејца, ќе се служи Света Архиерејска литургија по повод празникот „Положување на ризата на Пресвета Богородица во Влахерна“, информираат од Македонската православна црква – Охридска архиепископија (МПЦ-ОА), односно Дебарско-кичевската епархија Охрид.
Во 07:30 часот ќе се служи утрена богослужба, а од 09:00 предвидена е Света Архиерејска литургија на која ќе чиноначалствува Неговото Високопреосвештенство Митрополитот Дебарско-кичевски г. Георгиј.
За верниците е организиран превоз од Градското пристаниште со бродот „Александрија“ по симболична цена со тргнување во 07:30 часот, и од селото Трпејца, од местото викано „Надол“. (Крај)
извор: ИнПрес фото: архива
