Охрид, 8. август 2025 (ИНПРЕС) – Со полна пареа, се работи и се асфалтира на главната траса на дел од автопатот во изградба Кичево – Охрид, информираат од ЈП за државни патишта.
Директорот Коце Трајановски заедно со инженерскиот тим изврши увид во активностите на трасата.
– Се работи забрзано и работата на изведувачите „Гранит“, „Синохидро“ и „Илинден“ се одвива на сите подделници од автопатот. Покрај асфалтирањето се поставува и еластична ограда, се бетонираат плочести и цевасти пропусти, се уредуваат клучки и натпатници, се поставува осветлување итн, соопштија од претпријатието.
Очекувањата се, велат, наскоро, за многу краток период да биде ставена во функција уште една делница од автопатот во изградба Кичево-Охрид. (Крај)
извор: ИнПрес фото: архива
