Локална самоуправа, Општина Охрид
Охрид, 12. март 2025 (ИНПРЕС) – Градоначалникот на Општина Охрид распиша конкурс за пријавување на кандидати за бесплатни курсеви.
Целта е стимулирање на социјалната интеграција на невработените лица и подобрување на нивните квалификации за идно вработување како и на вработени кои сакаат да се докфалификуваат и прекфалификуваат.
Бесплатните курсеви се за сметководство, готвачи, слаткари, монтер на нисконапонски инсталации, градинарство и странски јазици (англиски-почетно/напредно, германски-почетно/напредно, словенечки–почетно). Предност за пријавување за овие курсеви имаат невработените лица, но и вработени кои сакаат да се докфалификуваат и прекфалификуваат. За да се реализира одреден курс треба да се пријават најмалку 15 учесници.
Изборот на учесниците ќе биде по принципот “Прв дојден, прв услужен”.
Кандидатите кои се пријавуваат на Конкурсот, треба да ги пополнат потребните обрасци поставени на интернет страната www.ohrid.gov.mk.
Потребните документи кандидатите треба да ги достават најдоцна 10 дена од денот на објавувањето на Конкурсот на адреса: ОЈУ ОГУ за доживотно учење “ Кузман Шапкарев” Oхрид, ул.Туристичка бр. 79 – Охрид, во затворен коверт со назнака „Конкурс за пријавување на кандидати за бесплатни курсеви” или во Архивата на ОЈУ ОГУ за доживотно учење „Кузман Шапкарев”секој работен ден од 08:00 до 14:00 часот, тел. за контакт 078/619-742. (Крај)
извор: ИнПрес фото: ИнПрес
