Охрид, 24. април 2026 (ИНПРЕС) – Прво место за најдобар штанд за учениците од РЦСОО„Ванчо Питошески“ Охрид на Државниот натпревар „Образовно рандеву МАССУМ 2026“, што се одржа во Богданци.
-Во конкуренција на повеќе стручни училишта од Македонија, учениците Вељаноски Денис, Вероника Петроска, Ана Стојаноска, Елена Стаменкоска, Дамјан Чолакоски, Андреа Бимбилоска, Марио Здравески, Тамара Црвенкоска, Јован Андов, Давид Димоски, Џани Луманоски, Армин Абас, Ибрахим Фазли, под менторство на професорките Катерина Џамбазоски, Елена Спировска и Катерина Тодороска, учествуваа во категоријата „Најдобар штанд“ и освоија прво место, информираат од училиштето.
Потенцираат дека овој успех е резултат на труд, посветеност и тимска работа, со што учениците уште еднаш покажале дека знаењето и упорноста носат врвни резултати. Најавуваат дека ќе продолжат со истата енергија и мотивација кон новите предизвици. (Крај)
извор: ИнПрес фото: архива
