Охрид, 23. април 2026 (ИНПРЕС) – Еден од најбараните проекти на Битолскиот оркестар DIVA „MTV Greatest Hits“ доаѓа и во Охрид.
Концертот денес носи уште поинакво, подлабоко значење особено сега, кога MTV повеќе не постои во онаа форма во која сите го паметиме, како симбол на една генерација, еден звук и едно време.
-Заедно ќе се потсетиме на песните што обликуваа цела генерација, песни што се слушаа гласно, се пееја од срце и останаа засекогаш врежани во нас. „MTV Greatest Hits“ во Охрид ќе биде вечер за сите што сакаат повторно да ја почувствуваат магијата на таа златна доба и тоа искрено, силно и со многу емоција. Концертот ќе биде враќање во една златна ера, во време кога музиката имаше поинаква тежина, кога песните не беа само хитови, туку дел од нашето растење, од нашите спомени, од нашите први љубови, другарувања, излегувања и соништа, велат организаторите.
Меѓу изведувачите ќе бидат Ана Петаноска, Полина Тасева, Бојан Стојков, Јасна Димитровска, Огнен Димовски заедно со Оркестар DIVA.
Концертот ќе се одржи на 1 мај во Центарот за култура „Григор Прличев“ со почеток во 20:00 часот. (Крај)
извор: ИнПрес фото: архива
